Qazaqkontsert tanymal änshi, Qazaqstannyñ halyq ärtisi Mädeniet Eshekeevtiñ 90 jyldyğyna orai Aidos Saniyazbekūlynyñ «Sūrjekei» atty shyğarmashylyq keshine shaqyrady.

Kontserttik bağdarlamada Birjan sal, Aqan seri, Äset, Abai, isa, halyq änderi jäne t.b. tuyndylar körermen nazaryna ūsynylady. Sondai-aq, Aidos Saniyazbekūlynyñ oryndauynda halyq äni «Sūrjekei» shyrqalady.

Mädeniet Eshekeev — dästürli halyq änderin özindik mänerimen joğary käsibi deñgeide oryndağan jäne J.Elebekovtiñ alğashqy shäkirtteriniñ biri. Onyñ repertuary Birjan sal, Aqan seri, Abai, Jayau Mūsa, Baluan Sholaq syndy halyq kompozitorlarynyñ shyğarmalarymen keñinen tolyqqan. Önerpazdyñ oryndauyndağy birqatar tuyndylar Qazaq radiosynyñ altyn qoryna enip, ūlttyq muzykalyq mūranyñ ajyramas böligine ainaldy.

Is-sharağa Qazaqstannyñ eñbek siñirgen qairatkerleri Medet Salyqov, Erlan Rysqali, Erkin Shükiman, «Daryn» memlekettik jastar syilyğynyñ iegeri Ardaq Eleusiz, «Mädeniet salasynyñ üzdigi» tösbelgisiniñ iegeri Perizat Tūrarova, sondai-aq, respublikalyq jäne halyqaralyq baiqaulardyñ laureattary Toğjan Ümbet, Ömirzaq Sheshhan, «Astana sazy» qazaq memlekettik folklorlyq ansambli qatysady.

Aidos Saniyazbekūly – dästürli änderdi erekshe naqyshta jetkizetin, tabiği dauysy men sahnalyq harizmasy üilesken käsibi änshi. Ol halyq änderi men qazaqtyñ klassikalyq änderin sheber oryndap, orkestrmen, ansamblmen jäne jeke oryndaularda körermen köñilinen shyğyp jür. Halyq änderi men dästürli änshilik Arqa öñiriniñ mektebin keñinen meñgergen, öziniñ erekshe oryndau mänerimen tanylğan önerpaz. Sondai-aq, köptegen respublikalyq jäne halyqaralyq baiqaulardyñ jeñimpazy atanğan.

Būl kesh – ūlttyq önerge tağzym etip, ata-babadan qalğan asyl mūrağa degen qūrmet pen izettiñ körinisi. Qapy qalmañyz!