Qazaqkontsert tanymal küishi, kompozitor Baqyt Basyğaraevtyñ 100 jyldyğyna arnalğan Edil Basyğaraevtyñ «Tolqynda» atty jeke kontsertine shaqyrady.

Kontserttik bağdarlamada Baqyt Basyğaraev, Qazanğap, Qarshyğa Ahmediyarov, Üsen Töre, Boğdanyñ küileri men halyq änderi oryndalady.

Is-sharada Qazaqstannyñ eñbek siñirgen qairatkerleri Aigül Elshibaeva, Elmūra Jañabergen, «Daryn» memlekettik jastar syilyğynyñ laureaty Ardaq Eleusiz jäne Jaiyq Basyğara (royal aspabymen) öner körsetedi.

Edil Basyğaraev - Mädeniet salasynyñ üzdigi, Mädeniet qairatkeri, «Halyq qazynasy» ūlttyq öner ortalyğynyñ solisi, Qazanğap mektebiniñ izbasary. Ğūmyryn qazaq dombyra öneriniñ saqtaluy men damuyna, Qazanğaptyñ küilerin nasihattauğa arnağan küishiniñ «Tolqynda» jinağy jaryqqa shyqqan.

Kesh jürgizushisi - Jasūlan Nauryzbai.

Būl kesh - ūlttyq önerge tağzym etip, ata-babadan qalğan asyl mūrağa degen qūrmet pen izettiñ körinisi. Qapy qalmañyz!