Әсем әндер мен ұмытылмас әуендерге толы музыкалық кешке шақырамыз!

11 желтоқсан күні «Қазақконцерт» сахнасында кеңінен танылған хит әндер, махаббат туралы лирикалық шығармалар, сондай-ақ қазақ өнерінің ажырамас бөлігіне айналған туындылар орындалады.

Концерт бағдарламасында «Қуанышым менің», «Өкінбе сен», «Махаббат елі», «Асыл ана», «Гүл Алматы», «Бозторғай», «Аппақ гүлдер», «Екі жұлдыз», «Сүйген жүрек» және тыңдармандарға жақсы таныс өзге де әндер бар. Сахнада Құрмаш Махан, Бауыржан Исаев, Ақбота Керімбекова, Гүлсім Мырзабекова және басқа да белгілі әншілер өнер көрсетеді.

Концертте орындалатын танымал әндер қазақ эстрадасының сан қырлы әлемін танытып, тыңдарманға сүйікті шығармаларымен қайта қауышуға мүмкіндік береді. Әр ән – өзіндік тарихы мен әуені бар музыкалық мұраның бір бөлшегі.

Жүрекке жақын әндер, сапалы музыка, әдемі естеліктерге толы кештен қапы қалмаңыздар!