Роза Бағланова атындағы «Қазақконцерт» мемлекеттік академиялық концерттік ұйымы көрермендерді 65-концерттік маусымның салтанатты қорытынды Гала-концерті – «FOLK SHOW» бағдарламасына шақырады.

«FOLK SHOW» концертінде қазақ музыкасының алтын қорына енген таңдаулы туындылар, әлемдік хиттер мен әйгілі саундтректер орындалады.

Гала-концертке «Қазақконцерттің» жетекші әртістері мен шығармашылық ұжымдары қатысады. Сахна төрінде «ASTANA SAZY» мемлекеттік фольклорлық ансамблі, Қазақ мемлекеттік симфониялық оркестрі, «ASTANA MUSICAL» мемлекеттік театры, «GULDER» ансамблінің балеті, «BIRLIK» ансамблі, Saz&Soul және G-band топтары, сондай-ақ «Қазақконцерттің» танымал солистері өнер көрсетеді.

Бұл концертте үздік орындаушылар мен шығармашылық ұжымдар бір сахнада өнер көрсетіп, концерттік маусымның жарқын қорытындысы болмақ.

Концерттік маусымның ең әсерлі музыкалық кешін бірге қарсы алуға шақырамыз!